شمس العراق

منتدى شمس العراق تجمع العراقيين بـ مصر
 
الرئيسيةاليوميةس .و .جبحـثالتسجيلالأعضاءالمجموعاتدخول

شاطر | 
 

 الى كل عراقي في الغربه ( ارجو التثبيت )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علاوي المحبوب

avatar

عدد الرسائل : 179
تاريخ التسجيل : 03/09/2007

مُساهمةموضوع: الى كل عراقي في الغربه ( ارجو التثبيت )   الثلاثاء سبتمبر 04, 2007 2:38 pm

حزن أكثر

بالغربة الحزن أكثر ..
وبالغربة الجرح أكبر .

وبالغربه الدموع تصير ..
نار وتاكل المَحجر .

وبالغربه السنين اتضيع ..
منك والعمر يـﮕصر .

تنام وتصحه لن الشيب ..
غفله اعله الزلف سيّر .

وبالغربه الغروب يبوﮒ روحك ..
والـﮕلب بحبال من تمشي الشمس ..
من الصدر ينجر .

وحشه وكلها صفره اتصير ..
وجهك والشمس ألوانهن تصفَر .

وياحسراتك البلروح ..
كل حسرة بضلع من تجزي يتكسّر .

وكل دمعه التطيح بـﮕـاع..
خدك تحرﮒ الاخضر .

يلمتعود اعله الطيب ..
وتحب الوطن والناس ..
وبتراب الشوارع ﭽنت تتبخر .

حـﮕك من تحن وتنوح مثل النوﮒ ..
لو حنت لهلهه وهامت اعله البر .

وبعد اكثر ... وبعد اكثر ..
بالغربة شتريد اتـﮕول ..
عايز حـﭽيك وﮔصّر .

بس الاكثر وأكبر ..
ولامثله جرح ينطر .

ولا بالوصف يتوصف ..
ولا بالصور يتصور .

ولا مثله حزن اكثر ..
ولا مثله جرح اكبر.

بنادم من يموت ابليل ..
غربه ولا اخو اليحضر

ولا ايد التنـﮕط الماي..
بشفافه وعليه تسهر

ولا اخته العزيزه اتنوح..
يمه ولادمع حدر .

ولا واحد من احبابه يشـﮒ زيجه..
وعليه بالباب يتخصّر

ولا صاحب سمع بيه واجه من ابعيد..
تالي الليل يتعثّر

ولا جيران فزعوا ﭽن اخوهم مات
وبشوفتهم اهل الحزن تتصبر .

غربه والغريب ايحير بالجناز..
ياهو ايشيل نعشه وبالسلف يفتر.

وياهو برهدنه ايحطه اعله حضن الـﮕـاع ..
وياهو باذنه سمه وأذن وكبر .

وحشه الغربه والأوحش تموت بـﮕـاع ..
مالك طير بيها .. ولا الك معشر .

وحدك نايم بلحدك ولا خطار ..
دﮒ باب الـﮕبر وبوحشتك سير .

ذاك انت الغريب ارسومك امبينات ..
من بين الـﮕبور وﮔبرك امحير

لأن مو كاعك وما ألك بيها تراب
متداين متر وبزاوية مدثر .

وبس الريح تصفر يمك وأوراق ..
من ذاك الخريف الراح تتبعثر .

يا أكبر خطيه ومن صدﮒ مسكين ..
يلمالك وطن وبعيد عن اهلك ..
تعيش تموت تتحسر..
تعيش
تموت
تتحسر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**بنت العراق**

avatar

انثى
عدد الرسائل : 168
تاريخ التسجيل : 31/08/2007

مُساهمةموضوع: رد: الى كل عراقي في الغربه ( ارجو التثبيت )   الثلاثاء سبتمبر 11, 2007 8:31 pm

تسلم على الشعر الحلو
عاشت ايدك
تقبل مروري
تحيــــــــــــــــاتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاوي المحبوب

avatar

عدد الرسائل : 179
تاريخ التسجيل : 03/09/2007

مُساهمةموضوع: رد: الى كل عراقي في الغربه ( ارجو التثبيت )   الإثنين سبتمبر 17, 2007 7:32 pm

يدللووووووووووووو عيوني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الى كل عراقي في الغربه ( ارجو التثبيت )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شمس العراق :: المنتديات الادبية :: منتدى الشعر العام-
انتقل الى: